Na ilaali maaloo Anoo nama hin qabuu
Na ilaali maaloo Anoo nama hin qabuu
Of biraatiin dhabee namaa ol na qabuu
Beekumsii fi humni koo sihidha Abdiin koo
Na bira hin darbiinii na fayyisi Uumaa koo
Beela'ee dheebodhee yoon bules agabuu
Mar'imaan koo maree yemmuu ittiin gaggabuu
Nama si waammatee sihi kan qaqqabuu
Maaloo na gargaarii anoo nama hin qabuu
Jaamaadha naan jedhee hundumtuu na gatee
Anis naman dhabee namnis natti haammatee
Boolla dukkanaatti gadi na darbatuu
Si qofaadha gooftaa kan na fayyifatuu
Si barbaachuun dhufee mana kootii ka'ee
Si arguun barbaadee mukaattan ol bahee
Na dura goraanii na dhoksu fuula kee
Anoo nama hin qabuu naa fayyisii malee
Nama of biraa dhabee yoon dhabes fayyinaa
Fayyuu osoon barbaaduu ciisee bishaan cinaa
Dhukkubsadhee ciisee waggoota hedduu kanaa
Fayyi gali jettee deemi gara manaa
