Si qofa naa beeka rakkina koo hundaa

Si qofa naa beeka rakkina koo hundaa
Gaaffiif deebii dhabee keessi koo na mudda
Ciisu hirriba hin qabu nagaa na dhowwate
Dabaan sitti oole garaakoo na nyaate

Godaansa yaadatee qalbiin koo qaari'e
Biyya hin beekne deemee sammuun saamii ba'ee
Si ganee jiraachuu keessi koo hin eyyamuu
Deebisee eenyummaakoo mucaan kee haa hiikamu

Cabee wallaanama (dhidhiibama) namni harka keetti /2/
na hiiki waaqakoo anaan cubbuu koottii/2/

Nama homaa hin baasnee gooftaa ani muraala
Hiikama hin argannee cubbuu na takaala
Onneen koo dhiigeera yakki koo xuxxuqee
Abaaree guyyaa koo isaan sirraa maqee

Qarabaan daliilaa kennaa kootti bu'ee
Harka diinaat kufuun hatoota koo ta'e
Tokkoof Lama miti xaxaan koo baayyeedha
Si jalaa hin dhokatu iyyesuus siif ifadha

Leetoon koo sodoomii arras achi hin baanee
Si wajjin jiraachuuf hidhaa cubbuu hin kutne
Surraan narraa deemee dhabeera dhamdhama
Iyyesuus si malee maaltu naaf qaqqaba



Play from Telegram