Surraan Adeemta
Surraan adeemta takkaa hin durfamtu,
Abidda dhaamsuuf bishaan hin baattu.
Galmee badiinsaa ni haaressita,
Mootii moototaa maaltu siin gita?
Gaarotni beeku deemsa faana kee,
Hunduu hin ilaalu, ni sodaata ija kee.
Abidda hodhitee abidda uffatta,
Siin maal jedhuree maaltu siin gita?
Eenyutu siin qixxaata?
Lafa abiddarraa qilleensaan hiitee,
Saamii gararraa teessoo kee gootee.
Mil'uu tokkichaan hunda too'atta,
Uumama lafaa walqixxee soorta,
Hunduu siin abdata.
Quba keen tuqxeef tulluun boba’e,
Museen humna kee ilaaluuf ka’e.
Foddaadhan fiddee arge Eeliyaas,
Sugi kee guutuu gooftaa Iyyesuus,
Naaf mul'adhu har'as.
Lubbuu kan dhabde kaafte xaabitaa,
Alaazaariinis du'aa kaafteetta.
Haannaan eebba keen haadha ilmaa taate,
Kan sitti cite eenyutu salphate?
Hundaaf situ dhaabbate.
